Belaevingstheater? Wat is det nôw vur ein niej evenement ?
Zondaag 20 jannewari gaot geej wat belaeve ! Inlaup is vanaaf 13.30 oor, ût theaterprogramma start öm 14.00 oor.
Asse nao ‘nne musical of ‘t theater geis, den geisse zitte en luutse dich verrasse.
Det gaon weej auch met Vastelaovend VEURaan doon!
Alle artieste (o.a Sandor Stürbl, Lilly-Jane Young, Herm Pollux, Krista Meijer, Sef Derkx, Ron Dings, Mark Verhaegh, Linke Mik, Marlon Kicken, Tegelse Hofzengers, Joekskapel De Kaetelaers en unne markante Venlonaer) werke heej aan mei ônger bezielende regie van Marinho Peters. De artieste gaeve invulling aan ein op elkaar aafgesjtump programma van theater, muziek zang en kolder
Weej mikke op kiepevelmomente aevenas lachsalvo’s, netuurlik ônger ’t genot van ein lekker drenkske. Maar auch mikke we op momente waose effe stil van wuurs.
Daonaevebeej hebbe we auch nog unne special guest! Veur ôs is ’t gesjlaag as geej nao aafloup zegk:….nondejuu wat ein geweldige belaeving! En det allemaol in ut theater wat Vastelaovend hèt
Op ein unieke plek in de veurmalige St. Rochuskerk (Limburgs Schutterij Museum) veurzeen van ein juuste beleechting. Wat zal dae Rochus dao van vinge ? …det zal hae dae middaag waal laote bliéke
Belaef ‘t !
De toegangskaarte zien helaas gans oetverkoch
Sandor Stürbl en Lilly-Jane Young
Sandor, gebaore in Belvend, bekend van Tilleviesie van o.a. “Op Zoek Naar Zorro” en de hit “The Voice of Holland”, makde furore
in de musical “Peter Pan” en “We will Rock you”. Teves is Sandor de vertolker van ’t Tegels volkslied. Saame zal hae met zien hertedeefke Lilly-Jane Young acte de présence gaeve op het uniek evenement Vastelaovend VEURaan.
Herm Pollux
Deeze naam beheuf eigenlik gen introductie. Vastelaovend zit in zien blood. Herm Pollux d’n iërste Jocus prins in 2018, in ‘t verleeje ceremoniemeister beej Jocus, zanger met ’t Broëzerkwartet en zien broor Bert, presentator van D’n Blauwe Zaoterdaag, vice-voorzitter van v.v.v.v.v.v.v.v.v.v.v. De Waus, ongersjeije as Commandeur in de Orde van de Zwalm en as Doctor Humoris Causa aan de Narren Universiteit Limburg.
Beniejd nao wat Herm te vertelle haet?
Sef Derkx
Sef Derkx, vastelaovesvierder in hert en neere, Jocus prins in 2005, sjriever en columnis (sjreef zelfs eine wandelgids door ôs sjoen Sjteyl). Veurmalig veurzitter van de Zomerparkfeeste. Lid van talloze stichtingen en commissies in ôs gemeinte en in Limburg. En daonaeve is Sef ein fervent vinyl DJ!
Linke Mik
Linke Mik is dé Venlose Vastelaovesband die tösse d’n 11e van d’n 11e en aswoensdaag iddere zitting, joeksig bal, tent of keffee oppe kop zet. Linke Mik sjteit garant veur aaijerwetse gezelligheid, joeksigheid, danse en saame zinge. Linke Mik levert ein ziër groëte beejdraage aan dit evenement in de vorm van regie, muziek en teks!
Talent Centraal. Hannie Verhoeven Fotograaf
Krista Meijer
Krista Meijer, ein Tegels talent det klassieke solo zang studeert aan ‘t Conservatorium van Mesjtreech. Met ein hiemelse sjtum zal Krista uch meijnimme en in verveuring bringe in ‘t theater det Vastelaovend VEURaan hèt!
De Tegelse Hofzangers
Ontjstaon in 1960 en nog sjteed sjpringlaevend. Vastelaovend is zinge pur sang en in ‘t theater det de Vastelaovend VEURaan hèt meug ein koër neet ontbraeke. Onger bezielde leiding van Bert Ramakers zulle zeej uch verrasse!
Marlon Kicken
De meister van ‘t “Tonpraten.” As gene angere ken hae oët de “nek lulle” en “zjwamme” zoë-as hae det zelf gaer zaet. Kwats en kolder det meug dae middaag uiteraard neet ontbraeke.
Ron Dings en Mark Verhaegh
Beide hiëre zien o.a. bekend van de band Van Gelder maar sjtaon naeve beej auch as solo artieste eur menke! Vastelaovend gesjtrip van alle “traalaa” en in ein puure vorm gebrach. Auch zeej zien ‘t zovuulste kedootje wat we dae middag gaon oetreike aan uch…
Joekskapel de Kaetelaers
Körsmerte, wiën fiëste, vastelaovend, Sinterklaosmiddaage, Sintermerte, euveral kumpse ze taenge. Joeks is wat ze bringe….maar soms bringe ze auch ein muzikale verrassing, zal ‘t dae middaag auch zien?