Op Vastelaovesdinsdaag 1 maart 2022 zal ‘t Kaetelgerich waere opgeveurd door kinger.
Op dees manier haop Vv. De Kaetelaers dit cultureel erfgood te waarborge nao de toekomst toe en geit un lang gekoesterde wins van Vv. De Kaetelaers in vervulling.
Vv. De Kaetelaers teikent vur de organisatie met ôngersjteuning van stichting societas66, een stichting die onlangs is opgericht met as doel ’t stimulere en behaad van cultureel erfgoed in Limburg in algemeine zin en t Kaetelgerich en de Vastelaovend in ’t bizônger.
‘t Is belangriek det we dit cultureel erfgoed sinds 1883 koestere en waarborge. We zien den ouch bizonger verheug det we daadwerkelijk een Kinger Kaetegerich gaon opveure.
We mikke op de jeug tóet en met 14 jaor óet de Gemeinte Groét Venlo en nuudige alle kinger oét um heej aan mei te doon.
D’r wuurdt unne werkgroep geformeerd oet minse van Vv. De Kaetelaers en societas66.
Minse die ut leuk vinge öm heej aan mei te helpe kenne zich melde beej ‘t secretariaat van Vv. De Kaetelaers (info@kaetelaers.nl)
Kinger en jongere die zin hebbe in un rol beej de veurbereiding en oetvoering van dit Kinger Kaetelgerich kenne tóet en met zaoterdaag 31 juli een videoboédsjap sjteure nao: kkg@kaetelaers.nl
Begin september vinge de audities plaats en waere alle rollen, ouch die van de acteurs verdeild.
In oktoëber starten de veurbereidinge en rippetities.
’t Steyler Kaetelgerich is un ludiek volkstribunaal, wat zien oorsprong kent in 1883. Met unne kolderieke kwinksjlaag waere verdachte persoéne die naeve ’t pötje hebbe gepiës veur de rechbank geroope. Op onverbiddellikke manier zal de aopenbare aanklager de verdachte probere te veroërdeile toët ‘De Kaetel’. Met un bietje gelök kömp emus d’r van aaf met inkel d’m baom sjreu-je. Alles netuurlik ônger toezeend aug van Vors Lucifer