🔴⚫’t Geit wir beginne… !⚫🔴
Op maondaag 11 november sjteit tradisjoneel de aöpening van ’t niej-je Vastelaoves-sezoén op ’t programma in Tegele. Aansjtaonde maondaág zal op ‘t Oelesplein in hertje Tegele de Vastelaovend waere ingesjaote door de 4 Samewerkende Tegelse Vastelaovesgezelsjappe (STV).
’t Insjeete begint öm 19.11 uur. Op ‘t Oelesplein aan de kruutsing van de Bergsjtraot, Ingersjtraot en Poshoéssjtraot zulle de vereniginge D’n Oeles, De Kaetelaers, De Boereraod en De Beerpiep zich verzamele. Via ellef kanônsjlaeg van ‘t Oelesgesjöt zal ‘t sjtartsein gegaeve waere vur ’t niej-je Vastelaoves-jaor ônger toezeend oug van ‘t regiment Frei-Husaren von Glasenapp 1760.
Nao afloup (rongk 20.00 oor) zulle de vereniginge in optoch nao de Harmoniezaal vertrekke wao gezamelik getoos zal gaon waere en d’n Tegelse Vastelaovend wuërt ingeluúd.
De muzikale omliésting deze aovend is in héng van Vinyl-DJ Marcel
Netuurlik ziet ge allemaol van ganser herte óetgenuudigd.