‘nne Mins dae door ziene rechliénige en ôngenuancéerde kiék op de vur ’t Gerich gebrachte zake, hiél zjwart-wit is in de sjtraofmaot die door de Duuvels óetegeveurd môt waere. Hae gei-jt gèn discussie of verbaal gevech óet de waeg öm zien geliék en euvertúuging op eigezinnige wiéze euver te bringe op zoë-waal ’t Gerich, de verdachte as de minse op de publieke tribune.
Vv. De Kaetelaers nuëdig uch beej deze den ouch óet öm zaoterdaag 26 maart nao ‘t (door Corona twië kiér) óetgesjtelde Kaetelgerich op ‘t Museumplein te kômme kiéke. Vanaaf 19.45 oor kent geej d’r getúuge van zien wae d’r tóet de Kaetel wuërt veróerdeilt, wae d’m baom gesjreu-jd gei-jt kriége en of d’r rech gepraot ken waere wat krômp is!