VRAOG1
Woë veuls dôw dich ’t mei-js op dien gemaak?
Ich ken euveral waal mien ‘plekske’ van make, maar thóes beej de minse woë ich meijste van haaj en in mien werkömgaeving veul ich mich altiéd op mien gemaak.
VRAOG2
Vree-jen tiéd wuërt beej veurkeur ingevuld met …..?
De sjtandaard zake vur ‘nnen aktieve Sjteylerse vent…. D’n tiéd vlúug waal soms zoë hèl vurbeej, det ich keuzes môt make tösse wat môt en wat ich wil….
VRAOG3
Toen dich de vraog-der-vraoge wóort gesjteld, dachse as iérste…?
Wat sjiék det ‘de Kaetel’ mich dao vur vruëg…..
VRAOG4
Woë kiékse ’t mei-jste nao óet as toekômstig Vors Lucifer?
Wae d’r naeve mich zou kômme te sjtaon as Jeug Vors lucifer.
VRAOG5
Hadde minse örges aan kènne merke des dôw Vors Lucifer gei-js waere?
Jao, aan de roei-je zök en de witte háase die ich heb gekôch.
VRAOG6
As Vors Lucifer gaon ich zeker…?
Genéete van ‘t ganse gebeure en zörge det de Kaetelaers (nog) miér bekendheid
gaon kriége in gans Groët Venlo.